近排日日戴口罩，又成日用酒精消毒，加上生活習慣、壓力等等問題，令到身體免疫系統失調，導致手腳開始生小水泡，仲非常之痕癢，呢程症狀就係最近常見嘅「汗皰疹」。
汗皰疹係咩嚟？
汗皰疹屬慢性濕疹嘅一種，唔會傳染。主要生長係手指、腳趾嘅邊緣處，發作時皮膚會發炎痕癢、出水泡或丘疹，當水泡破掉後，患處就會開始脫皮，令皮膚變得乾裂。
要注意嘅係，發作時即使好痕癢，都盡量唔好抓患處，因為抓破汗皰疹水泡，有機會令患處受到細菌感染，引發蜂窩性組織炎。
點樣治療汗皰疹？
1 類固醇藥膏
就輕微嘅汗皰疹，使用類固醇可減少搔癢感並控制病情。
2 口服類固醇、抗組織胺
面對急性期階段嘅患者，就要使用口服藥物，以抑制急性發炎嘅情況。
3 針對嚴重嘅汗疱疹患者，就可嘗試使用紫外線光療。
4大預防方法
1 避免刺激、注意保濕
洗手時用不含皂鹼、不含香料嘅洗手液，同時避免用過熱嘅水，而洗手後都可以擦一D低刺激嘅護手產品，避免皮膚乾燥。
2 避免接觸刺激性物質
如香精、有機溶劑等，又或者於觸碰時戴上手套，避免直接接觸。
3 減少食用含鎳、鈷及鉻含量高嘅食物
– 鎳：罐頭食物，牡蠣、龍鬚菜、香菇等。
– 鈷：杏仁、豆類、咖啡、等。
– 鉻：啤酒、起司等
4 減少壓力、作息正常、避免熬夜
