飲湯喺唔少香港人嘅習慣，不論喺飯前飯後都要飲，加上呢排天氣轉涼，特別想飲啲暖笠笠湯水。但好似小編咁，日日都要返工邊有時間買材料煲湯飲呀，於是盒裝嘅湯包就成為小編嘅「懶人必備」，但原來點揀湯包都有學問㗎！
點揀盒裝湯包好呢？
而家市面上湯包款式咁多，究竟點揀好呢？小編最近就試左「Misoup珍味湯」湯包可以推薦俾大家。佢地嘅湯包主打新鮮材料製作，無添加及不含味精，保證飲嘅每一啖湯水都喺原汁原味。仲利用真空高溫慢煮技術令湯包除咗保持新鮮之外，又可以大大增加保存時間，啱晒小編呢種懶人啦！
有肉湯，有素湯
小編今次就推薦大家試吓「花旗參石斛田七燉竹絲雞湯」同埋素湯「蓮藕牛蒡核桃栗子湯」。
「花旗參石斛田七燉竹絲雞湯」
成份：水，竹絲雞，豬肉，石斛，花旗參，田七，蓮子，陳皮，食用鹽
小編最鍾意呢款竹絲雞湯，好啱平時夜瞓又鍾意食熱氣嘢嘅女士，竹絲雞滋陰功效，而花旗參可以補氣養陰，清熱降火。加熱完一撕開包裝，已經聞到竹絲雞味道好鮮甜，飲落又唔會腥，仲有淡香陳皮味添。
「蓮藕牛蒡核桃栗子湯」
成份：水、蓮藕、栗子、牛蒡、核桃、蓮子、紅棗、陳皮、食用鹽
而呢款素湯就兼顧到素食者啦，蓮藕同牛蒡可以清熱去火，紓緩疲勞，而栗子就養胃健脾。聽講仲有助提升睡眠質素㗎！小編本身唔係太鍾意牛蒡味道，但呢款湯飲落又唔會太重味，好清甜甘香，湯料組合配搭剛好。
記得要食埋湯渣！
好多人飲湯都會將湯渣倒咗，但其實肉嘅大部分成分都進入唔到湯裡面，所以湯水嘅蛋白質含量都唔及肉本身㗎。有營養師指，湯料嘅碳水化合物同纖維等仍鎖喺湯渣裡面，若果只飲湯唔食埋湯渣等於浪費營養。
Misoup嘅湯包都好足料，湯渣滿滿！仲有好多營養留喺湯渣裡面㗎！就好似竹絲雞湯啲雞同埋豬肉，都俾小編食哂！
懶人必備夠哂方便！
三種食用方法夠哂方便呀，啱晒好似小編呢種忙到無時間煲湯嘅香港人。
食用方法1 : 將湯包放入沸水中加熱約3分鐘即可食用。
食用方法2 : 將湯料倒入鍋內加熱，即可食用。
食用方法3 : 將湯料倒入碗內，用微波爐加熱5分鐘即可食用。
